Truecost (Samoan language)

Lolomi se Lisisā'ili'ili [PDF]

E ono faigatā ona iloa po'o ā fesili e fai pe'ā 'e 'aitalafuina se tupe e fa'atau ai se ta'avale mai le kamupanī ta'avale.
'Ave le lisisa'ili'ili ua taua o le TrueCost Checklist ma fautuaga 'ina 'ia fesoasoani ia te 'oe 'ina 'ia mautinoa o le ta'avale 'ua 'e mana'o i ai e sau ma le 'aitālafau 'e te gafatia.

E uiga i le ta'avale

• 'Ia siaki le ta'avale e lau inisina 'ina 'ia mautinoa le ta'avale o 'e fa'atau e lelei. 
• E tatau ona iai se fa'aaliga i le fa'amalama. 'O lenei fa'aaliga e taua o le Consumer Information Notice. E ta'u atu ai ia te 'oe fa'amatalaga e pei o le tausaga muamua sa resitara ai le ta'avale, pe o iai se tupe 'aitālafau, le igoa ma le tuatusi a le kamupanī ta'avale, tau o le ta'avale, ma le resitara pe 'āfai o resitara le kamupanī. 
• 'Āfai e fai ma le fa'asilasilaga "there is a security interest registered over this vehicle", o lona uiga 'olo'o iai se 'aitālafau i lenei ta'avale a le tagata sa ona ia umia muamua le ta'avale ma e ono e totogia lenei aitalafu – aua ne'i e fa'atauina le ta'avale. 
• 'Aua ne'i e fa'atauina se extended warranty po'o se ''inisiua pe'ā leaga le ta'avale" (brake down insurance) vaganā 'e te mana'o ai, fa'ata'ita'iga pe 'āfai 'e te fa'ataua se ta'avale mo se pisinisi la'u pāsese. Ona o lenei 'ua iai lou āiā tatau i lalo o le Tūlafono ua taua o le Consumer Guarantees Act e fa'aleleia ai le ta'avale pe'āfai e leaga tele le tūlaga o le ta'avale. 'Āiseā e so'ona totogi ai āiā tatau 'olo'o 'e mauaina?

Fa'atupeina o le ta'avale

Fai i le kamupanī ta'avale e fa'atumu le TrueCost Checklist.

• 'Ole'ā fesoasoani mo 'oe pē 'e te manatu e lelei le fa'atupe. 
• 'Ave le lisisa'ili'ili i le fale ma talatalanoa i le tu'utu'uga, ta'avale ma le fa'atupeina ma se tagata 'e te talitonuina, se nofoaga mo tūlafono po'o se faufautua mo paketi. 
• Va'avai i ta'avale o isi kamupanī ta'avale. 'Ave i ai le lisisa'ili'ili ma fesili pē mafai ona maua se tu'utu'uga sili mo 'oe i me tau fa'atupeina. 
• 'Ave le lisisa'ili'ili i se faletupe po'o se Credit Union po'o se isi kamupanī tupe; fesili pē mafai ona maua ai sau tu'utu'uga sili atu ona lelei. 
• 'O le totogi e tatau ona talafeagai. Fesili i le kamupanī po'o nei tau. 
• 'Āfai 'ua fa'aopoopo i ai se 'inisiua po'o ni warranty, fesili i le kamupanī po'o a mea e aofia ai. 'Āfai e o galue i se galuega e leai se totogi, o le 'inisiua mo le vaea e lē aoga mo 'oe.

Faiga o pepa

• 'Āfai 'ua e filifili e fai se 'aitālafau e fa'atau ai le ta'avale, faitau atoa le konekarate ae 'e te le'i siani, 'āemaise le vaega o lau konekarate 'olo'o ulutala fa'apea "What could happen if you fail to meet your commitments". 'O lena e ta'u atu ai po'o a sala ma po'o a mea e mafai ona 'ave'ese mai ma 'oe pe'ā lē mafai ona totogi lau 'aitālafau. 
• 'Āfai e fa'atupe lou fa'atauina o le ta'avale e tatau ona tu'u atu le konekarate mo le fa'atauina o i ta'avale ma le isi konekarate mo le 'aitālafau. 
• Siaki le tau o le ta'avale ia tutusa le tau 'olo'o i le fa'asilasila i luga o le fa'amalama ma le tau i luga o le konekarate. 
• E tatau ona tu'u atu ia te 'oe se kopi o le konekarate o lau aitalafu ma 'fa'amatalaga fa'aalia' pe'ā saini (po'o i totonu o le lima aso faigaluega I le taimi e saini 'e te saini ai). E tatau ona tu'u atu au kopi o polisi 'inisiua. 'Āfai e le'i tu'uina atu nei fa'amatalaga i totonu o taimi fa'atūlagaina, e tatau ona e toe mauaina mai se tupe. 
• 'Āfai 'e te le'i aveina i le fale le ta'avale, e mafai ona toe suia lou māfaufau mai le fa'atauina o le ta'avale. E tolu aso faigaluega mai le aso na maua ai lau konekarate e fa'aleaoga ai le tu'utu'uuga atoa.