|
'Oku faingata'a foki ke 'ilopau 'a e ngaahi fehu'i ke
'eke 'i he taimi 'oku' ke nö pa'anga ai ke fakatau 'aki
ha'o me'alele mei' ha kautaha fakatau me'alele.
'Alu mo e TrueCost Checklist (Lisi Totongi totonu') mo
hono ngaahi fakahinohino ke tokoni'i koe ke fakapapau'i
ko e me'alele 'oku' ke fiema'u' te ke lava 'o totongi
fakafoki.
Fekau'aki mo e me'alele'
- 'Ave 'a e me'alele' ki ho'o mekänika' ke ne vakai'i
ke fakapapau'i 'oku' ke fakatau ha me'alele 'oku kei
ngäue lelei.
- Kuopau ke 'i ai ha lau'i tohi fakamatala 'i he matapä
sio'ata 'o e me'alele'. 'Oku 'iloa eni ko e Supplier
Information Notice pë fakamatala fakatokanga mahu'inga
fekau'aki mo e me'alele'. 'Oku hä atu ai 'a e ngaahi
fakamatala mahu'inga hangë ko e ta'u na'e 'uluaki lësisita
ai 'a e me'alele', pë 'oku 'i ai ha mo'ua ke totongi
'i he me'alele', hingoa mo e tu'asila 'o e kautaha fakatau
me'alele, mahu'inga 'o e me'alele', pea kuo lësisita
foki mo e fale fakatau'anga me'alele'.
- Kapau 'oku hä atu 'i he matapä sio'ata 'o e me'alele
'a e fakatokanga ko 'eni "there is a
security interest registered over this vehicle" ko e 'uhinga eni 'oku
'i ai 'a e ngaahi mo'ua 'i he me'alele' mei' he tokotaha
he kuohili, ke totongi pea te ke iku totongi fakafoki
eni – 'oua 'aupito te ke fakatau 'a e me'alele' ni.
- 'Oua te ke fakatau ha fakalöloa 'o e warranty pë
ko ha malu'i 'oka maumau (tukukehe kapau 'oku' ke fiema'u,
hangë nai ko ha'o fakatau 'a e me'alele' ki ha'o pisinisi
tekisï). Kuo 'osi 'i ai foki ho'o totonu ke ngaahi ha
maumau 'oka hoko ki he me'alele' 'i he malumalu 'o e
lao Consumer Guarantees Act kapau ko e me'alele' 'oku
'i ha tu'unga ta'efakafiemälie. Ko e hä 'oku' ke to
e totongi ai ha pa'anga makehe ke ngaahi hili ia 'oku
'osi malu'i koe 'e he lao pe ke nau ngaahi ta'etotongi.
Fekau'aki mo e fakapa'anga'i 'o e me'alele'
Kole ange ki he kautaha fakatau me'alele ' ke ne fakafonu
'a e foomu Lisi Totongi totonu' pe TrueCost Checklist.
- 'E tokoni eni ke ke 'ilo ai pë 'oku totonu mo lelei
'a e nō ke fai 'aki 'a e fakatau'.
- 'Alu mo e Lisi' ki 'api pea' ke talanoa ki ha tokotaha
'oku' ke falala ki ai pe ki ha senitä fakalao pë ko
ha tokotaha fale'i fakapatiseti fekau'aki mo ho'o teu
fakatau', nō pea mo e me'alele foki.
- 'Alu 'o vakai'i e ngaahi me'alele 'i ha ngaahi kautaha
fakatau me'alele kehe. 'Oange 'a ho'o lisi' kiate kinautolu
pea' ke 'eke ange pë te nau lava 'o 'oatu ha me'alele
mo ha nö 'oku toe sai ange.
- 'Alu mo e Lisi' ki ha pangikë pë Kulëtiti 'Iunioni
pë ko ha kautaha nō pa'anga kehe; vakai na'a lava 'o
ma'u ha nö 'oku toe ma'ama'a ange.
- Kuopau ke fakamahino'i kotoa 'a e ngaahi totongi
makehe'. 'Eke ange ki he kautaha fakatau me'alele pe
koe ha 'a e ngaahi totongi ni.
- Kapau 'oku fiema'u ke totongi ha malu'i pë warranties,
'eke ange ki he kautaha fakatau me'alele pë ko e hä
e ngaahi me'a 'oku nau käpui'. Kapau 'oku 'ikai te ke
ngäue totongi, ko e totongi malu'i mei ha mole ho'o
ngaue (redundancy) 'oku 'ikai hano 'aonga.
Ko e tohi aleapau mo e me'a ke ke fakamo'oni ai
- Kapau 'oku' ke fili ke fai ha'o nö ke fakatau me'alele,
lau 'a e kotoa 'o e tohi aleapau kimu'a pea' ke fakamo'oni
hingoa, kae tautautefito ki he konga 'i he tohi aleapau
'oku hä ai "What could happen if you fail to meet your
commitments" pë ko e hä e me'a 'e hoko kapau 'e 'ikai
te ke tauhi ki ho'o fakapapau'. 'Oku hä atu heni 'a
e ngaahi tautea' pea mo e ngaahi me'a 'e ala fa'ao fakafoki
(repossessed) meia te koe kapau 'e 'ikai te ke lava
ke totongi e me'alele'.
- Kapau 'oku' ke nö ke fai'aki 'a e fakatau', 'e 'oatu
ha tohi aleapau 'e taha ki hono fakatau 'o e me'alele'
pea taha ki he nö.
- Vakai'i 'oku tatau 'a e mahu'inga 'o e me'alele'
'i he matapä sio'ata' pea mo e mahu'inga 'oku hä atu
'i he tohi aleapau ki he nö.
- Kuopau ke 'oatu ha'o tatau ki he tohi aleapau ho'o
nö pea mo ha disclosure statement (kimu'a pea 'osi ha
'aho ngaue 'e nima mei he 'aho na'ake fakamo'oni ai).
Kuopau foki ke 'oatu mo ha tatau 'o e ngaahi tohi fakamo'oni
malu'i'. Kapau 'e 'ikai 'oatu 'a e ngaahi tohi mahu'inga'
ni 'i he vaha'ataimi 'oku hä atu', 'oku 'i ai ho'o totonu
ke totongi fakafoki atu ha pa'anga kiate koe.
- Kapau 'oku te'eki te ke 'ave 'a e me'alele' ki ho
'api', te ke lava pë ke liliu ho'o fakakaukau' ki he
fakatau 'o e me'alele' ni. 'E lava ke kaniseli 'a ho'o
fakatau 'o kapau 'e fai ia kimu'a pea 'osi 'a e 'aho
ngaue 'e tolu mei he 'aho na'ake ma'u ai 'a hono tatau
'o e tohi aleapau.
|
![[To this page's content]](../images/transparent.gif){kind=small}
